सरकारले तीनकुने प्रदर्शनमा ज्यान गुमाएकाको परिवारलाई १०/१० लाख दिने

काठमाडाैं,चैत २० । गत चैत १५ गते काठमाडौंको तीनकुनेमा भएको राजावादीको प्रदर्शनमा ज्यान गुमाउनेका परिवारलाई सरकारले १०/१० लाख रुपैयाँ दिने निर्णय गरेको छ ।

गृहमन्त्री स्तरिय बैठकले उनीहरूकाे परिवारलाई १०/१० लाख दिने निर्णय गरेकाे हाे ।उक्त रकम निकासाका लागि मन्त्रालयले अर्थलाई सिफारिस गरिसकेको बताइएको छ ।

उक्त प्रदर्शन हिंसात्मक बन्दा प्रहरीकाे गाेली लागेर सविन महर्जनकाे मृत्यु भएकाे थियाे भने समाचार संकलनका क्रममा एभिन्युज टेलिभिजनका पत्रकार सुरेश रजककाे आगलागीमा परेर मृत्यु भएको थियो ।