प्रेस सेन्टरको अध्यक्षमा गिरी, महासचिवमा घर्तिमगर निर्वाचित

काठमाडौं,चैत १८ । प्रेस सेन्टर नेपालको पाचौं अधिवेशनबाट अध्यक्षमा कमल गिरी विजयी भएका छन् ।
काठमाडौंको थापागाउँमा राति अबेर सम्पन्न मतदानबाट प्रतिस्पर्धी उम्मेदवार दीपेन्द्र रावललाई १ सय ९१ मतको अन्तरले पछि पार्दै गिरी विजयी भएका हुन् । गिरीले ३ सय ६६ मत प्राप्त गरेर अध्यक्ष पदमा विजयी भएका हुन् ।
त्यस्तै, वरिष्ठ उपाध्यक्षमा सुरेशचन्द्र अधिकारी ३ सय ९७ मत ल्याएर विजयी भएका छन् , जबकि उनका प्रतिस्पर्धी सुदिप वर्देवाले १ सय ११ मत प्राप्त गरे । महासचिवमा मनोज घर्तीमगर विजय भएका छन् । घर्तीमगरले ३ सय ७९ मत प्राप्त गरेर विजय प्राप्त गरे, उनका निकटतम प्रतिस्पर्धी दिपेन्द्र शर्माले १ सय ४८ मत प्राप्त गरे ।
त्यसैगरी, उपमहासचिवमा ज्ञान प्रसाद पौडेल, सचिव खुलामा सुरेन्द्र चालिसे र सन्तोष देउजा, सचिव महिलामा अन्जली थापा, सचिव समावेशीमा अवतार राई र कोषाध्यक्षमा बसन्त गिरी निर्वाचित भएको निर्वाचन प्रमुख गोविन्द आचार्यले जानकारी दिए । ९९ सदस्यीय केन्द्रीय समिति र २९ सदस्यीय पदाधिकारीमध्ये अन्य पदहरू निर्विरोध निर्वाचित भएका छन् ।