गोरखामा ट्रेकिङ गाइडको लडेर मृत्यु

गोरखा,चैत १५ । उत्तरी गोरखामा बिहीबार बिहान १ जना ट्रेकिङ गाइडको लडेर ज्यान गएको छ ।

ज्यान गुमाउनेमा सोलुखुम्बु जिल्ला, सोताङ गाउँपालिका–४ घर भएका ५४ बर्षीय सार्की शेर्पा भएको जिल्ला प्रहरी कार्यालय गोरखाका प्रहरी नायब उपरिक्षक एवं सूचना अधिकारी ईन्द्रप्रसाद सुवेदीले जानकारी दिए ।

अमेरिकी नागरकि लिएर मनासलु पद यात्रामा निस्किएका शेर्पाको धार्चे गाउँपालिका–३ को खोर्लाबेशीस्थित बुढीगण्डकी नदी किनारमा लडेर ज्यान गएको हो ।

बिहान ९ बजे हिडीरहेका शेर्पा अचानक लड्दा उनको टाएकोमा गम्भीर चोट लागेको थियो ।  घाइते शेर्पालाई स्थानीय धार्चे आधारभूत अस्पतालमा उपचारको लागि लगिएपनि त्यहीँ उनको मृत्यु भएको प्रहरीले जनाएको छ ।