शिवपुरीको जनज्ञान निकेतनलाई दस थान मल्टिमिडिया प्रोजेक्टर हस्तान्तरण

नुवाकोट,माघ १४ । जिल्लाको शिवपुरी गाउँपालिका वडा नम्बर ८ मा अवस्थित जनज्ञान निकेतन माध्यमिक विद्यालयलाई राष्ट्रिय वाणिज्य बैंक काठमाडौले दस थान मल्टिमिडिया प्रोजेक्टर हस्तान्तरण गरेको छ ।

नुवाकोटको लिखु गाउँपालिका वडा नम्बर-६ स्थायी निवासी विमल डंगाेलकाे विशेष पहलमा चार लाख रकम बराबरको मल्टिमिडिया प्राेजेक्टर विद्यालयलाई हस्तान्तरण गरिएको विद्यालयका प्रधानाध्यापक अर्जुनप्रसाद लामिछानेले बताए ।

सोमबार विद्यालय प्राङ्गणमा भएको सामग्री हस्तान्तरण कार्यक्रममा विद्यालय व्यवस्थापन समितिका अध्यक्ष हरिप्रसाद सिटाैला, प्रमुख अतिथि शिवपुरी गाउँपालिकाका अध्यक्ष गाेविन्दप्रसाद थपलिया, विशेष अतिथि शिवपुरी गाउँपालिका वडा नं -८ का अध्यक्ष केशवप्रसाद रिजाल, राष्टिय वाणिज्य वैंकका वरिष्ट सहायक संजिव अर्याल , वडा सदस्यहरु, जग्गादाता लगायतको उपस्थिति रहेको थियोे ।