रास्वपा सभापति रुपन्देहीमा, आज अदालतमा हाजिर हुने
रुपन्देही,माघ ९ । राष्ट्रिय स्वतन्त्र पार्टी (रास्वपा) का सभापति तथा पूर्व गृहमन्त्री रवि लामिछाने हिजो मङ्गलवार रुपन्देहीको भैरहवा आइपुगेका छन् । उनी त्रिभुवन अन्तर्राष्ट्रिय विमानस्थल हुँदै भैरहवा पुगेका हुन् । बुद्ध एयरको विमानमार्फत हिजो दिउँसो आएको रास्वपा लुम्बिनी प्रदेश सदस्य बिनोद खरेलले बताए ।
भैरहवामा पार्टी सभापति लामिछानेले नेता कार्यकर्तासँग भेटघाट गर्नुभएको पार्टीका युवा नेता जीत बहादुर गुप्ताले बताए । रास्वपा सिद्धार्थनगरका निवर्तमान सभापति सुमन न्यौपानेका अनुसार भैरहवाको देवकोटा चोकस्थित मेरिगोल्ड होटलमा उनी बस्नेछन ।
रास्वपा स्रोतका अनुसार आज बुधबार लामिछाने रुपन्देही जिल्ला अदालत हाजिर हुने तयारी छन ।
लामिछानेविरुद्ध बुटवलको सुप्रीम सहकारीको बचत ठगी आरोपमा आइतबार रुपन्देही अदालतमा पूरक दर्ता भएको थियो । लामिछाने, छविलाल जोशी, जीबी राईसहित पूरक अभियोगका १४ र सुरु मुद्दाका २८ गरी ४२ जनाविरुद्ध जिल्ला अदालतमा मुद्दा दर्ता भएको थियो ।