नुवाकोटमा कृषकको एक हल गोरु हरायो

नुवाकोट,माघ ७ । जिल्लामा कृषकको एक हल गोरु चोरी भएको छ ।

जिल्लाको सुर्यगढी गाउँपालिका वडा नम्बर ५ स्थित ताप्के चौर सिंगारेमा स्थानीय कृष्णबहादुर मिजारको गोठमै बाधिराखिएको गोरु हराएको हो ।

गत पुस २ गते रातिदेखि हल गोरु हराएको तर खोजी गर्ने क्रममा कतै फेला नपरेको किसानले बताए ।

हराएको कालो र रातो रङ्गको गोरु खोजी गरिदिन उनले खरानीटार प्रहरी चौकीमा समेत उजुरी दिइसकेका छन् ।

गोरु जोतेरै आफ्नो दैनिकी चलाउदै आएका उनी गोरु हराएपछि चिन्तित बनेका छन् ।