सोलुखुम्बु आगलागीमा २४ लाखको क्षति

सोलुखुम्बु,माघ ३। सोलुखुम्बुको नेचासल्यान गाउँपालिका वडा नम्बर ३ गैरिबारीमा आगलागी हुँदा २४ लाख रुपियाँ बराबरको क्षति भएको छ ।

बुधबार राती भएको आगलागीबाट मुक्ति बास्तोलाको ढुङ्गा माटोले बनेको जस्ताको छानो भएको तीन तले घर सहित करिब २४ लाख बराबरको क्षति भएको जिल्ला प्रहरी कार्यालय सोलुखुम्बुले जनाएको छ । 

आगलागीबाट अन्नपात, भाँडावर्तन र लत्ताकपडा पूर्ण रुपमा जलेर नष्ट भएको जिल्ला प्रहरी कार्यालय सोलुखुम्बुका प्रहरी नायव उपरीक्षक द्धारिकाप्रसाद घिमिरेले जानकारी दिनुभयो । आगलागीको खबर पाएलगतै इलाका प्रहरी कार्यालय नेचाबाट प्रहरी निरीक्षक सहितको टोली घटनास्थल गई स्थानीयवासीको सहयोगमा आगो नियन्त्रणमा लिइएको छ ।