अछाममा अवैध क्याप्सुलसहित चार जना पक्राउ
अछाम,माघ ३ । अछाममा अवैध क्याप्सुलसहित ४ जना पक्राउ परेका छन् । मंगलसैन नगरपालिका–५ मंगलसैन बजारबाट सोही ठाउँ बस्ने २२ वर्षीय प्रकाश विश्वकर्मा, २२ वर्षीय अर्जुन सुनार, २२ वर्षीय कर्ण प्रसाद ढुङ्गाना र १९ वर्षीय अर्जुन सुनार पक्राउ परेका छन्।
उनीहरुलाई चेकजाँच गर्दा प्रकाशको साथबाट ट्रामाडोल–४२ क्याप्सुल, प्रिगाभा–८ क्याप्सुल, ईभा ५ क्याप्सुल र अर्जुन सुनारको साथबाट प्रिगाम्लिन ७४ क्याप्सुल बरामद भएको जिल्ला प्रहरी कार्यालय अछामले जनाएको छ ।
चारै जनालाई जिल्ला प्रहरी कार्यालय अछाम र प्रहरी चौकी मंगलसेनबाट खटिएको प्रहरी टोलीले नियन्त्रणमा लिई थप अनुसन्धान गरिरहेको छ।