शिवपुरीको समुन्द्रादेवी माविमा भोलिदेखि अभिभावक, शिक्षक, विद्यार्थी उत्प्रेरणा कार्यक्रम
नुवाकोट,माघ १ । जिल्लाको शिवपुरी गाउँपालिका वडा नम्बर ६ मा रहेको समुन्द्रादेवी माध्यमिक विद्यालयमा भोलिदेखि अभिभावक, शिक्षक तथा विद्यार्थी उत्प्रेरणा कार्यक्रम हुने भएको छ ।
शिवपुरी गाउँपालिका वडा नम्बर ६ को आयोजना तथा समुन्द्रा सामुदायिक सिकाइ केन्द्रको ब्यवस्थापनमा हुने दुई दिने उत्प्रेरणा कार्यक्रमले व्यायाम प्रार्थनासभा व्यवस्थापन तथा आचारमैत्री शैक्षिक वातावरण निर्माणमा टेवा पुग्ने लक्ष्य राखेको वडा अध्यक्ष बिष्णु श्रेष्ठले बताए ।
कार्यक्रममा वरिष्ठ प्रशिक्षक हरिश ओलीले सहजीकरण गर्ने विद्यालयका प्रधानाध्यापक महेन्द्र ढकालले बताए । कार्यक्रम भोलि बुधबार र पर्सि बिहीबार सञ्चालन हुनेछ ।