अग्लुङ–प्युठान सीमामा जीप दुर्घटना, १२ घाईते
गुल्मी,पुस २९ । गुल्मीमा जीप दुर्घटनामा १२ जना घाइते भएका छन् । जिल्लाको सिमलटारी फुलबारीबाट प्युठान गौमुखीतर्फ जाँदै गरेको ग १ ज ४५३३ नम्बरको जिप गुल्मीको अग्लुङ–प्युठान सीमामा दुर्घटना भएको प्रहरीले जनाएको छ ।
जिपमा सवार सबै यात्रु घाइते भएका छन् । मदाने गाउँपालिका वडानम्बर–१ का अध्यक्ष सुशील चन्द्रका अनुसार घाइतेहरूमध्ये अधिकांशको अग्लुङ स्वास्थ्य चौकीमा सामान्य उपचार गरिएको बताए ।
घाइतेलाई थप उपचारका लागि पुर्कोटदह स्वास्थ्य संस्थामा उपचारको लागि ल्याउदै रहेको प्रहरीले जनाएको छ । जिप सिमलटारीबाट प्युठानमा आयोजना गरिएको गौमुखी मेला हेर्न जाने क्रममा दुर्घटनामा परेको जिल्ला प्रहरी कार्यालय गुल्मीका प्रहरी निरीक्षक भुपेन्द्र थापाले बताए ।