प्युठान स्वर्गद्वारीमा १५ शैय्याको अस्पताल शिलान्यास

प्यूठान,पुस २८। प्यूठानको स्वर्गद्वारी नगरपालिका -४, भिंग्री बजारमा १५ शैय्याको अस्पताल शिलान्यास गरिएको छ । नगरप्रमुख टेक प्रसाद भण्डारीले शनिबार एक कार्यक्रमका बीच अस्पतालको शिलान्याश गरेका हुन्।

अस्पतालको शिलान्यास गर्दै भण्डारीले नगरपालिकाले स्वास्थ्यलाई पहिलो प्राथमिकतामा राखेर काम गरिरहेको बताउनुभयो। उनले चाँडै अस्पताल निर्माण सम्पन्न गरेर नगरवासीलाई गुणस्तरीय सेवा दिने बताए।

यस्तै,प्राथामिक स्वास्थ्य केन्द्र भिंग्रीमा समेत फार्मेशी तथा ल्याब सेवा उद्घाटन गरिएको छ । कार्यक्रममा जग्गादाता तथा चन्दादाताहरुलाई सम्मान र प्रशसांपत्र समेत प्रदान गरिएको थियो।