नुवाकोटको जनज्ञान निकेतन माविले मनायो ६५ औं वार्षिकोत्सब
नुवाकोट,पुस २८ । जिल्लाको शिवपुरी गाउँपालिका वडा नम्बर ८ मा रहेको जनज्ञान निकेतन माद्यामिक विद्यालयले आफ्नो ६५ औं वार्षिकोत्सब मनाएको छ ।
शनिबार एक समारोहका बीच विद्यालयले वार्षिकोत्सब मनाएको हो । वार्षिकोत्सब समारोहमा काङ्ग्रेस नेता एवम् संघीय सांसद अर्जुननरसिंह केसीको प्रमुख उपस्थिति रहेको थियोे ।
त्यस्तै कार्यक्रममा काङ्ग्रेस नेता जगदीशनरसिंह केसी, संघीय सांसद सीता मिजार,;शिवपुरी गाउँपालिका अध्यक्ष गोबिन्दप्रसाद थपलिया, शिक्षा समन्वय समिति नुवाकोटका प्रतिनिधि रामप्रसाद अधिकारी, शिवपुरी गाउँपालिकाका शिक्षा प्रमुख सुनेश अधिकारी, जिल्लाका विभिन्न विद्यालयका प्रधानाध्यापक, वडा अध्यक्ष केशबप्रसाद रिजाल, जग्गादाता, अभिभावक, विद्यार्थी लगायतको उपस्थिति रहेको थियोे ।
वार्षिकोत्सबमा जनज्ञान स्काउटद्वारा आफ्नो कला प्रस्तुत गरेका थिए । कार्यक्रममा विद्यालयमा योगदान गर्ने ब्यक्ति, शिक्षक, खेलका विभिन्न विधाका विजेता, पढाईका अब्बल विद्यार्थी लगायतलाई सम्मान गरिएको थियोे । विद्यार्थीद्वारा विविध गीत, नृत्य तथा कला प्रस्तुति गरेका थिए ।