टोखा-छहरे सडक खण्डमा सुमो गाडी दुर्घटना

नुवाकोट,पुस २८। टोखा–छहरे सडक खण्डमा सुमो गाडी दुर्घटना भएको छ। आइतबार काठमाडौंबाट नुवाकोटको दुप्चेश्वर गाउँपालिका, घ्याङफेदीतर्फ जाँदै गरेको ना १ ज ४३४९ नम्बरको सुमो गुरुङगाउँ नजिकै दुर्घटनामा परेको हो।

दुर्घटनामा चालक घाइते भएका छन्। उनलाई उपचारका लागि नजिकैको स्वास्थ्य चौकीमा लगिएको ट्राफिक प्रहरीले जनाएको छ। सुमोका यात्रु भने ठूलो दुर्घटनाबाट जोगिएका छन् ।

प्रहरीका अनुसार सवारीको ब्रेक नलागेपछि चालकले सवारीलाई सडकको भित्तामा ठोक्काएको बताइएको छ ।