नुवाकोट लिखुमा नवनिर्मित वगर बजार सामुदायिक स्वास्थ्य भवन उद्घाटन
नुवाकोट,पुस २८ । जिल्लाको लिखु गाउँपालिका वडा नम्बर २ मा नवनिर्मित वगर बजार सामुदायिक स्वास्थ्य ईकाइ भवन उद्घाटन गरिएको छ ।
शनिबार एक समारोहका बीच गाउँपालिकाका अध्यक्ष ध्रुव श्रेष्ठले भवनको उद्घाटन गरेका हुन् ।
भवन निर्माणसंगै यस क्षेत्रका नागरिकलाई स्वास्थ्य सेवा लिन अन्यत्र जानुपर्ने समस्या हटेको छ ।
भवन निर्माणका लागि स्थानीय प्रमिष्ठा डङोल, डोलबहादुर थापा, भीमकुमारी पुलामिमगर र एकबहादुर थापामगरले जग्गा तथा बाटो दान गरेका थिए ।