मकवानपुरमा सवारी दुर्घटना हुँदा ८ जना गम्भीर घाइते
मकवानपुर,पुस २७ । मकवानपुरमा दुई वटा सवारीसाधन एकापसमा ठोक्किएर दुर्घटना हुँदा ८ जना गम्भीर घाइते भएका छन् । पूर्वपश्चिम राजमार्ग स्थित मकवानपुरको मनहरि–६, डिपार्टमा दिउसो करिब १ बजेतिर भएको दुर्घटनामा ८ जना गम्भीर घाइते भएको प्रहरीले जनाएको छ ।
पूर्व पश्चिम सडक खण्डमा वीरगन्जबाट चितवन तर्फ जाँदै गरेको बागमती प्रदेश ०१–०२६ च ५२५० नम्बरको स्कारपियो र चितवन बाट हेटौडा तर्फ आउँदै गरेको बा १६ च ८३२४ नम्बरको कार एकापसमा ठक्कर खाई दुर्घटना भएको जिल्ला प्रहरी कार्यालय मकवानपुरले जनाएको छ ।
दुर्घटनामा दुवै सवारी चालक सहित ८ जना घाइतेलाई उद्धार गरी उपचारको लागी चितवन पठाएको र उनीहरू सबैको अवस्था गम्भीर रहेको प्रहरीले जनाएको छ । दुर्घटनामा घाइतेको पहिचान खुल्न बाकी रहेको छ ।