पृथ्वी जयन्तीका अवसरमा आयोजित दुवै राप्रपाको चियापन कार्यक्रममा प्रधानमन्त्री सहभागी
काठमाडौ,पुस २७ । प्रधानमन्त्री केपी शर्मा ओली पृथ्वीनारायण शाहको ३०३औँ जन्मजयन्ती तथा राष्ट्रिय एकता दिवसका अवसरमा आज राष्ट्रिय प्रजातन्त्र पार्टीद्वारा भृकुटीमण्डपमा आयोजित चियापान कार्यक्रममा सहभागी भएका छन् ।
प्रधानमन्त्री तथा नेपाल कम्युनिष्ट पार्टी (एमाले) का अध्यक्ष ओलीलाई राप्रपाका अध्यक्ष राजेन्द्र लिङ्देनलगायत नेताहरूले स्वागत गरेका थिए ।
त्यस्तै, प्रधानमन्त्री ओली आजै पृथ्वी जयन्तीका अवसरमा राष्ट्रिय प्रजातन्त्र पार्टी नेपालद्वारा आम्रपाली ब्यैङ्क्युट, बालुवाटारमा आज आयोजित चियापान कार्यक्रममा पनि सहभागी भएका थिए ।
सो अवसरमा प्रधानमन्त्री ओलीलाई राप्रपा नेपालका अध्यक्ष कमल थापालगायतका नेताहरूले स्वागत गर्नुभएको थियो ।