टोखामा भएको मोटरसाइकल दुर्घटनामा नुवाकोट शिवपुरीकी महिलाको मृत्यु

काठमाडौ,पुस २६ । काठमाडौँको टोखा नगरपालिका–८ मिलनटोलमा मोटरसाइकलको ठक्करबाट एक जना पैदलयात्री महिलाको मृत्यु भएको छ।

बा ६३ प १४४७ नम्बरको मोटरसाइकलको ठक्करबाट पैदलयात्री नुवाकोट शिवपुरी गाउँपालिका–५ घर भई काठमाडौं तारकेश्वर बस्ने वर्ष ४० की सुन्तली लामाको मृत्यु भएको हो।

बुधबार साँझ मोटरसाइकलको ठक्करबाट गम्भीर घाइते भएकी उनको ग्राण्डी अस्पतालमा उपचार भईरहेको थियो। उपचारकै क्रममा उनको मृत्यु भएको प्रहरीले जनाएको छ। दुर्घटनामा घाइते भएका मोटरसाइकल चालकको सोही अस्पतालमा उपचार भइरहेको छ।