माओवादी केन्द्रीय कमिटी बैठक जारी
काठमाडौ,पुस २१ । नेकपा (माओवादी केन्द्र) को केन्द्रीय कमिटीको छैठौं बैठक जारी छ ।
बैठकमा अध्यक्ष पुष्पकमल दाहालले समसामयिक राजनीति विषयमा आफ्नो धारणा राखिरहेका छन् । अहिले केन्द्रीय कमिटी सदस्यहरुलाई दाहालको राजनीतिक प्रतिवेदन थमाईएको छ ।
बैठकमा पूर्व उपराष्ट्रपति नन्दकिशोर पुन ‘पासाङ’ सहभागी छन् । उनलाई उपाध्यक्षको आसनमा राखिएको छ । तर, बैठकमा अर्का उपाध्यक्ष कृष्णबहादुर महरा भने ढिलोगरि पुगेका छन् । उनी बैठक सुरु भएपछिमात्रै हलभित्र प्रवेश गरेका हुन् । पछिल्लो समय अध्यक्ष प्रचण्डसँग रिसाएका महरा बैठकमा ढिलोगरि पुग्नुलाई पनि त्यही रुपमा हेरिएको छ ।