नुवाकोटे पत्रकार पुडासैनीको निधन

काठमाडौ,पुस २० । नुवाकोटे पत्रकार श्यामसुन्दर पुडासैनीको अल्पआयुमै निधन भएको छ ।

उनको शुक्रबार राति ११ बजे चाबहिलस्थित हेल्पिङ ह्यण्डस् अस्पतालमा निधन भएको हो। उनलाई हृदयघात भएको अनुमान गरिएको छ ।

नुवाकोटको बेलकोटगढी नगरपालिका वडा नम्बर ९ को चाँपखेतका स्थायी बासिन्दा पुडासैनी पछिल्लो समय नेपाल भ्यूज अनलाइनमा उपसम्पादकको रुपमा कार्यरत थिए ।