बझाङमा जिप दुर्घटना, तीन जनाको मृत्यु

बझाङ,पुस १९ । बझाङमा जिप दुर्घटना हुँदा तीन जनाको मृत्यु भएको छ ।

तलकोट गाउँपालिकाबाट सदरमुकाम चैनपुर आउनेक्रममा बिहीबार साँझ धमेनानजिक जिप दुर्घटना हुँदा तीन जनाको घटनास्थलमै ज्यान गएको प्रमुख जिल्ला अधिकारी ओमप्रसाद भट्टराईले जानकारी दिए । 

दुर्घटनामा घाइते एक बालिकालाई उपचारका लागि जिल्ला अस्पतालतर्फ लगिएको प्रजिअ भट्टराईले बताए । जिपमा कति जना सवार थिए भन्ने एकीन जानकारी नआएको उनले बताए ।