शिवपुरीको महेन्द्र आधारभूत विद्यालयका विद्यार्थीलाई न्यानो कपडा र शैक्षिक सामग्री वितरण
नुवाकोट,पुस १६ । जिल्लाको शिवपुरी गाउँपालिका वडा नम्बर ८ मा रहेको महेन्द्र आधारभूत विद्यालयका बालबालिकालाई न्यानो कपडा वितरण गरिएको छ ।
मंगलबार विद्यालय प्राङ्गणमा भएको एक कार्यक्रम बीच विद्यालयमा अध्ययनरत ३५ जना बालबालिकालाई न्यानो कपडाका साथै शैक्षिक सामग्री वितरण गरिएको विद्यालयले जनाएको छ ।
विद्यालयका व्यवस्थापन समितिका अध्यक्ष जीवलाल पाण्डेको पहलमा विद्यार्थीलाई न्यानो कपडा, शैक्षिक सामग्री, झोला, जुत्ता मोजाका साथै स्मार्ट टेलिभिजन समेत प्रदान गरिएको छ । कार्यक्रम शिवपुरी गाउँपालिकाका अध्यक्ष गोबिन्दप्रसाद थपलियाको प्रमुख उपस्थितिमा भएको थियोे ।
कार्यक्रममा शिवपुरी गाउँपालिका वडा नम्बर ८ का अध्यक्ष केशवप्रसाद रिजाल, कालिका माध्यमिक विद्यालयका शिक्षक यादब प्रसाद पाण्डे, कुम्भेश्वर माध्यमिक विद्यालयका प्रधानाध्यापक माधब ठकुरी, पूर्व प्रधानाध्यापक राजनप्रसाद थपलिया, जनज्ञान निकेतन माध्यमिक विद्यालयका प्रधानाध्यापक अर्जुन लामिछाने, समाजसेवी रमेश पाण्डे,मेलमिलाप संयोजक पार्वती थपलिया लगायतको उपस्थिति रहेको थियोे ।