संगम सहकारीको २८ औ वार्षिक उत्सवमा हस्तलेखन प्रतियोगिता

नुवाकोट,पुस १६ । विदुर ४ बट्टारमा रहेको संगम बचत तथा ऋण सहकारी संस्था लिमिटेडको २८ औ वार्षिक साधारणसभा तथा वार्षिकउत्सव सोमवार सम्पन्न भएको छ ।

सहकारीले विविध कार्यक्रम गर्दै वार्षिकोत्सब मनाएको हो । संगमले जिल्लास्तरीय हस्तलेखन प्रतियोगिता समेत सम्पन्न गरेको छ । प्रतियोगितामा नेपाली विद्यातर्फ प्रथम भएकी विन्दुकेश्वर माविका सोनिया तिमिल्सना, सुभेनियर बोर्डिङ स्कुलका जस्मिन सेढाई र सेई बोर्डिङ स्कुल छहरेका श्रेया थापालाई नगदसहित सम्मान गरिएको थियो ।

यस्तै अंग्रेजी विधातर्फ सुभेनियर बोर्डिङ स्कुलका जस्मिन सेढाइ, विन्दुकेश्वर माविका सोनिया तिमिल्सना र नेशनल बेथल एकेडेमीका सोम्या तामाङलाई पनि नगदसहित सम्मान गरिएको छ ।