नुवाकोट लिखुका उत्कृष्ट शिक्षक र विद्यार्थी सम्मानित
नुवाकोट,पुस ११ । जिल्लाको लिखु गाउँपालिकाका २३ जना शिक्षक सम्मानित भएका छन् भने विभिन्न परीक्षामा उत्कृष्ट १० विद्यार्थी सम्मानित भएका छन् । बिहीबार गाउँपालिकाको क्षेत्रपाल माध्यमिक विद्यालयमा भएको एक कार्यक्रम बीच शिक्षक तथा विद्यार्थी सम्मानित भएका हुन् ।
सम्मानित हुने शिक्षकमा बच्छला माध्यमिक विद्यालयका ३ शिक्षक, नारायणदेवी माध्यमिक विद्यालयका ७ शिक्षक, महेन्द्र महेशदेवका १० शिक्षक र क्षेत्रपाल माद्यामिक विद्यालयका ३ शिक्षक रहेका छन् ।
विक्रम संवत २०८० साल चैत्र महिनामा सम्पन्न एसइई र २०८१ साल बैशाख महिनामा सम्पन्न एसएलसीई (कक्षा १२) को बोर्ड परीक्षामा उत्कृष्ट नतिजा ल्याउन सफल विषय शिक्षक तथा विद्यार्थीलाई गाउँपालिकाको शिक्षा शाखाले सम्मान गरेको हो ।
एसइई तर्फ सामुदायिक विद्यालयमा क्षेत्रपाल माध्यमिक विद्यालय, संस्थागततर्फ ज्योती कुन्ज एकेडेमी र कक्षा १२ मा उत्कृष्ट नारायणदेवि माध्यमिक विद्यालयका छात्रछात्रा रहेका छन् । जस अन्तर्गत लिखुको एसइईमा ज्योतिकुन्ज एकेडेमीका संभवी पाण्डेले ३.७८ जिपिएसहित उत्कृष्ट घोषित भएकी थिइन ।
सम्मानित हुने शिक्षक तथा उत्कृष्ट विद्यार्थीलाई लिखु गाउँपालिकाका अध्यक्ष ध्रुव श्रेष्ठ र शिक्षा शाखा प्रमुख शेरसिंह रावतले नगद र प्रमाणपत्रसहित सम्मान गरेका थिए ।
उत्कृष्ट शिक्षक तथा विद्यार्थी नामावली हेर्नुस् :
