नुवाकोट शिवपुरी एमालेका नवनिर्वाचित पदाधिकारी तथा सदस्यद्वारा शपथ ग्रहण
नुवाकोट,पुस १० । नेकपा(एमाले) शिवपुरी गाउँपालिकाको दोस्रो अधिवेशनबाट नवनिर्वाचित पदाधिकारीले बुधबार सफथ ग्रहण गरेका छन् । गाउँपालिकाका पार्टी अध्यक्ष कमल तामाङसहितका पदाधिकारीलाई पार्टीका केन्द्रीय सदस्य एंव जिल्ला ईञ्चार्ज पुर्वमन्त्री केशबराज पाण्डे, पार्टी जिल्ला अध्यक्ष एंव पुर्वमन्त्री बद्री मैनाली लगायतले सफथ दिलाएका हुन् ।
सो अवसरमा अध्यक्ष तामाङले लोकतान्त्रिक प्रणाली निर्वाचनमार्फत् नेतृत्व चयनको क्रममा र अन्य विभिन्न कारणले जिम्मेवारीमा समेटिन नसकेका राजनीतिक नेताहरुलाई नवनिर्वाचित कमिटीले समेटर एमालेलाई एकताबद्द पार्टीको रुपमा अघि बढाउने प्रतिबद्दता जनाए।
कार्यक्रममा पार्टीका बागमती प्रदेश कमिटी सदस्य जितेन्द्र बिष्ट, जिल्ला पार्टी सचिव शिव चित्रकार,जिल्ला सचिवालय सदस्य एंव क्षेत्र नं ०१ का क्षेत्रीय अध्यक्ष शुसिलकुमार खड्का, जिल्ला सचिवालय सदस्य एंव प्रदेश क का संयोजक श्याम लामा, जिल्ला सदस्यहरू मधुसूदन अधिकारी, राजेन्द्र वली, निवर्तमान कमिटी अध्यक्ष एंव वडा नं ०६ का वडाध्यक्ष बिष्णु श्रेष्ठ, वडा नं ०५ का वडाध्यक्ष रेशम माेक्तान लगायतको उपस्थिति रहेको थियोे ।
कार्यक्रमकाे अध्यक्षता नेतृ उषाकिरण तिम्सिनाले गरेकी थिइन ।