ट्रक दुर्घटनामा दुई जनाको मृत्यु
तनहुँ,पुस ९ । पृथ्वीराजमार्गमा पर्ने तनहुँको आँबुखैरेनी गाउँपालिका–१ आँधीखोलामा इँट्टा बोक्ने ट्रक मङ्गलबार दुर्घटना हुँदा दुई जनाको मृत्यु भएको छ।
ट्रक चालक उदयपुरका ३० वर्षीय भेषराज पराजुली र सहचालक रौतहटका २८ वर्षीय विजय विश्वकर्माको मृत्यु भएको प्रहरीले जनाएको छ।
डुम्रेबाट आँबुखैरेनी जाँदै गरेको बा प्र ०१–००१ य १६५९ नम्बरको स्करपियो र विपरीत दिशाबाट आउँदै गरेको ए २–०३००–१ के एच २४४८ नम्बरको ट्रक ठक्कर खाँदा दुर्घटना भएको जिल्ला प्रहरी कार्यालय तनहुँले जनाएको छ।
दुर्घटनापछि स्करपियो सडकमै रहेको र ट्रक पुलकोबिच भागबाट खसेर दुर्घटनाग्रस्त भएको थियो। दुर्घटनाग्रस्त ट्रकलाई क्रेनको सहायताले बाहिर निकालिएको थियो।