काभ्रे रोशीका वडाध्यक्ष लामाको निधन
काभ्रेपलान्चोक,पुस ८ । काभ्रेको रोशी गाउँपालिका-१ का वडाध्यक्ष श्रीदास लामाको निधन भएको छ । उनको निधनको शोकमा आज पालिकामा शोक बिदा दिइएको छ ।
रोशी गाउँपालिकाका प्रमुख प्रशासकीय अधिकृत शिवप्रसाद भन्तनाले जारी गरेको विज्ञप्तिमा आज पुस ८ गते पालिकाभर शोक बिदा दिइएको उल्लेख छ । उनको आइतबार उपचारका क्रममा निधन भएको थियो ।
०७९ सालको स्थानीय तह निर्वाचनमा लामा नेकपा एमालेबाट निर्वाचित भएका थिए । उनी एमाले जिल्ला कमिटी सचिवालय सदस्यसमेत हुन् । उनको निधनप्रति एमाले काभ्रेले दुःख व्यक्त गरेको छ ।