काभ्रेमा ज्वाइद्वारा सासुको हत्या
बनेपा,पुस ८ । काभ्रेपलान्चोक जिल्लाको मण्डनदेउपुर नगरपालिका १ गैरीगाउँमा ज्वाइँले सासुको हत्या गरेको घटना सार्वजनिक भएको छ । सासुको हत्या गरेको आरोपमा जिल्ला प्रहरी मण्डनदेउपुर नगरपालिका २ का २८ बर्षका सुकबहादुर तामाङलाई प्रहरीले पक्राउ गरेको हो ।
मङ्सिर २८ गते मण्डनदेउपुर नगरपालिका १ गरीगाउँ घिसिङ टोलकी ५२ बर्षकी तिनमाया तामाङ आफ्नै घरको मझेरीमा मृत अवस्थामा फेला परेका थिए । आफ्नै घरमा मृत अवस्थामा तिलमाया फेला परेपछि प्रहरीले अनुसन्धान सुरु गरेको थियो । तिनमाया मृत्युको अनुसन्धान गर्ने क्रममा प्रहरीले मृतकका ज्वाई सुकबहादुर तामाङलाई पुस ५ गते पक्राउ गरेको थियो ।
घटनाको अनुसन्धानको क्रममा सुकबहादुरले सासुले काम नगर्ने भनी सधै गाली मात्र गरी रहने र सो दिन पनि आफुलाई गाली गरेकोले तिनमायालाई मुक्का प्रहार गरी टाउको थाममा ठोक्काई हत्या गरेको स्वीकार गरेको जिल्ला प्रहरी कार्यालाय काभ्रेपलान्चोकका सूचना अधिकारी प्रहरी नायव उपरीक्षक मिनबहादुर घलेले जानकारी दिए ।
उनले सासुको हत्या आरोपमा पक्राउ परेका तामाङमाथि थप अनुसन्धान गर्न आइतबार काभ्रेपलाञ्चोक जिल्ला अदालतबाट पाँच दिनको म्याद थप गरिएको बताए ।