नुवाकोटमा भएको माध्यमिकस्तरीय शैक्षिक प्रदर्शनीमा क्षेत्रपाल मावि प्रथम
नुवाकोट,पुस ५ । शिक्षा विकास तथा समन्वय इकाइको आयोजनामा माध्यमिक विद्यालयस्तरीय शैक्षिक प्रदर्शनीमा क्षेत्रपाल माध्यमिक विद्यालय प्रथम भएको छ ।
शुक्रबार त्रिशूलीमा भएको प्रदर्शनीमा क्षेत्रपालले ८४.६६ प्रतिशत प्राप्त गर्दै प्रथम स्थान हासिल गरेका हुन् । क्षेत्रपालका विद्यार्थीहरुले वर्षाको पानीलाई सिञ्चित र शुद्ध गरी प्रयोग गरिने प्रदर्शनी गरेका थिए ।
यसैगरी ग्रामसेवा मावि द्वितीय (८१.६६), घ्याङफेदी मावि तृतीय (७६.६६) र बागेश्वरी माविले सान्त्वना (७४.३३) स्थान हासिल गरेका छन् ।
विजेता विद्यालयहरुले क्रमश: पाँच हजार, तीन हजार, दुई हजार र एक हजार रुपैँया नगद पुरस्कारसहित प्रमाणपत्र प्राप्त गरेका छन् । प्रदर्शनीमा जिल्लाका ११ विद्यालयहरुले सहभागिता जनाएका थिए ।