रसुवागढी हाइड्रोपावरले पुस २९ मा साधारण सभा गर्ने, छैन लाभांश प्रस्ताव
काठमाडौं,पुस ५ । रसुवागढी हाइड्रोपावरले पुस २९ गते बाह्रौं वार्षिक साधारण सभा आह्वान गरेको छ ।
पुस ४ गते बिहान १० बजे बसेको सञ्चालक समितिको बैठकले पुस २९ गते काठमाडौंको धुम्बाराहीस्थित स्मार्ट महलमा बिहान ११ बजे सभा बोलाउने निर्णय गरेको हो ।
सभाले गत आर्थिक वर्ष २०८०/८१ को वार्षिक प्रतिवेदन छलफल गरी पारित गर्नुका साथै चालू आवको लागि लेखापरीक्षकको नियुक्ति र निजको पारिश्रमिक निर्धारण गर्ने प्रस्ताव पनि पारित गर्नेछ । कम्पनीले कुनै पनि लाभांश प्रस्ताव गरेको छैन ।
साधारण सभा प्रयोजनका लागि कम्पनीले पुस १६ गते (एक दिन) बुक क्लोज गर्ने जनाएको छ । यस बुक क्लोजको आधारमा पुस १४ गतेसम्म कायम शेयरधनीले साधारण सभामा सहभागिता जनाउन सक्नेछन् ।