मकवानपुर बकैयामा ४० लाखको लागतमा निर्माण हुने झोलुङ्गे पुल शिलान्यास

मकवानपुर,पुस ५ । मकवानपुरको बकैया गाउँपालिका १२ मा दातृ संस्थाको सहयोगमा झोलुङ्गे पुल निर्माण सुरु गरिएको छ । वडा १२ स्थित धेत्रेदमार र गोदामडाँडा जोड्ने झोलुङ्गे पुलको बिहीबार गाउँपालिकाका अध्यक्ष धर्मराज लामिछाने, वडा ११ का वडाध्यक्ष गोपाल लामा र वडा नं. १२ का वडाध्यक्ष ज्ञानेन्द्र बजगाईँले संयुक्त रुपमा शिलान्यास गरेका हुन्  । 

झोलुङ्गे पुलको शिलान्यास गर्दै गाउँपालिका अध्यक्ष लामिछानेले गाउँपालिकाले विकासमा सबै नागरिकको पहुँच पुगाउन पूर्वाधार निर्माणलाई प्राथमिकतामा राखेर काम गरिरहेको बताए।

इस्थर बेन्जामिन स्मृति सस्ंथाको ४० लाख रुपियाँ आर्थिक सहयोग तथा गाउँपालिकाको समन्वयमा निर्माण हुने उक्त झोलुङ्गे पुल ९० मिटर लम्बाइको हुने छ ।