म्यागङ गाउँपालिकाको प्रमुख प्रशासकीय भवन समुद्घाटन
नुवाकोट,पुस ३ । जिल्लाको म्यागङ गाउँपालिकाको प्रमुख प्रशासकीय भवन उद्घाटन गरिएको छ ।
बुधबार एक समारोहका बीच बागमती प्रदेशका मुख्यमन्त्री बहादुरसिंह लामाले भवनको उद्घाटन गरेका हुन् ।
नवनिर्मित भवनको लागत सात करोड ३६ लाख २१ हजार ५५२ रुपैयाँ रहेको छ। यसअघि गाउँपालिकाले देउरालीबाट सेवा प्रवाह गर्दै आएको थियोे ।
भवन उद्घाटन कार्यक्रममा तादी गाउँपालिकाका अध्यक्ष सन्तमान तामाङ, पञ्चकन्या गाउँपालिकाका अध्यक्ष तेजबहादुर तामाङ, बिदुर नगरपालिकाका मेयर राजन श्रेष्ठ, जिल्ला समन्वय समिति नुवाकोटका प्रमुख रजिन्द्र ठकुरी लगायतको उपस्थिति रहेको थियो।