नुवाकोट म्यागङको देउराली प्रहरी चौकी भवन उद्घाटन

नुवाकोट,पुस ३ । नुवाकोटको म्यागङ गाउँपालिका वडा नम्बर ३ देउरालीमा रहेको प्रहरी चौकीको नवनिर्मित भवन उद्घाटन गरिएको छ ।

बाग्मति प्रदेशका मुख्यमन्त्रि बहादुर सिंह लामा तामाङले प्रहरी चौकीको नविर्निमत भवनको बुधबार उद्घाटन गरेका हुन् । भवनको उद्घाटन गर्दै मुख्यमन्त्रि लामाले प्रहरीले प्राप्त गरेको नयाँ भवनसँगै सेवालाई गुणस्तरीय र विश्वसनीय बनाउन आग्रह गरे ।

प्रहरी चौकी उद्घाटन कार्यक्रममा जिल्ला समन्वय समिति नुवाकोटका प्रमुख रजिन्द्र विक्रम सिंह ठकुरी, म्यागङ गाउँपालिकाका अध्यक्ष आशा तामाङ, प्रमुख जिल्ला अधिकारी रामकृष्ण अधिकारी, बागमती प्रदेश प्रहरी कार्यालय हेटौंडाका प्रमुख प्रहरी नायव महानिरीक्षक कृष्णहरी शर्मा, म्यागङ गाउँपालिकाका उपाध्यक्ष सता तामाङ लगायतको उपस्थिति रहेको थियो ।