शिवपुरीको ग्रामीणदेवी माध्यमिक विद्यालयलाई शैक्षिक सामग्री हस्तान्तरण
नुवाकोट,मंसिर २६ । जिल्लाको शिवपुरी गाउँपालिका ७ सुनखानीमा रहेको ग्रामीणदेवी माध्यमिक विद्यालयलाई शैक्षिक सामग्री हस्तान्तरण गरिएको छ ।
स्थानीय बिहारी पाण्डेको अगुवाइमा विद्यालयका छात्रछात्रालाई वर्षभरि आवश्यक पर्ने कापीकलम तथा अन्य स्टेसनरी सामग्री विद्यालयलाई हस्तान्तरण गरिएको हो ।बुधबार एक कार्यक्रम बीच शैक्षिक सामग्री हस्तान्तरण गरिएको विद्यालयका प्रधानाध्यापक सुर्यबहादुर डङ्गोलले बताए ।
शैक्षिक सामग्री हस्तान्तरण कार्यक्रममा स्थानीय बिहारी पाण्डे,पेरिसडाडा कोटेश्वर निवासी शिव भण्डारी,भावना भण्डारी, लक्ष्मण पाण्डे,चन्दा पाण्डे, सुसन पाण्डे र राधा पाण्डे, विद्यालय व्यवस्थापन समितिका अध्यक्ष रामकृष्ण भेटुवाल लगायतको उपस्थिति रहेको थियोे । विद्यालयमा हाल १ सय ५० विद्यार्थी अध्ययनरत छन् ।