प्रधानमन्त्रीलाई कालो झण्डा देखाउने समुह प्रहरीको नियन्त्रणमा

झापा,मंसिर २३ । प्रधानमन्त्री एवम् नेकपा (एमाले) का अध्यक्ष केपी शर्मा ओलीलाई कालोझण्डा देखाउन खोज्ने समुहलाई प्रहरीले नियन्त्रणमा लिएको छ । आइतबार दिउँसो दमक चोकमा प्रधानमन्त्री ओलीको आगमनलाई लक्षितगरी कालो झण्डा देखाउने तयारी गरिरहेका ११ जनालाई प्रहरीले नियन्त्रणमा लिएको जनाएको छ । 

प्रधानमन्त्री ओलीसहित उपप्रधानमन्त्री तथा शहरी बिकासमन्त्री प्रकाशमान सिंहलाई कालो झण्डा देखाउन खोजेपछि दमकको आकाशे पुल छेउबाट ११ जनालाई नियन्त्रणमा लिइएको प्रहरीको भनाइ छ । कोशी प्रदेश नामकरणको बिषयमा असन्तुष्टि पोख्दै आएका समूहले कालोझण्डा देखाउने तयारी गरेको थियो ।

प्रधानमन्त्री ओली आइतवार विहान गृह जिल्ला झापा आउनु भएको छ । उनी दमकको ब्यापारीक कम्लेक्स उद्घाटनका लागि यहाँ आउनेक्रममा सडकमा निस्केर प्रदर्शनकारीले प्रदर्शन गर्न खोजेपछि प्रहरीले विहानैदेखि सुरक्षा ब्यवस्था कडा बनाएको थियो ।