नुवाकोटको किस्पाङमा दुई बालकसहित आमा मृत अवस्थामा भेटिए

नुवाकोट,मंसिर २३ । जिल्लाको किस्पाङ गाउँपालिका वडा नम्बर १ भाल्छे,नुचेतमा दुई बालकसहित आमा मृत अवस्थामा भेटिएका छन् ।

मृतक तीनैजना एउटै कोठामा झुन्डिएको अवस्थामा फेला परेको प्रहरीले जनाएको छ ।

मृत भेटिएकोमा आमा वर्ष २४ को चिन्दीमाया तामाङ, छोरा द्वय वर्ष ५ को रोशन घले, वर्ष ३ को रोमन घले रहेका छन् ।

अहिले जिल्ला प्रहरी कार्यालयको विशेष टोली घटनास्थल पुगेको छ । घटनाको अनुसन्धान अगाडि बढाइएको प्रहरीले जनाएको छ ।