नुवाकोटको ढिकुरेमा विद्युतीय गाडीको ठक्करबाट बालक गम्भीर घाइते
नुवाकोट,मंसिर २२ । जिल्लाको लिखु गाउँपालिका १ ढिकुरे बजारमा विद्युतीय गाडीले ठक्कर दिदा एकजना बालक गम्भीर घाइते भएका छन् ।
शनिबार दिउँसो स्थानीय ४ वर्षीय पेम्बा दोर्जे लामालाई टोखा-छहरे हुँदै त्रिशुली चल्ने बागमती प्रदेशको ०२५० नम्बरको विद्युतीय गाडीले ठक्कर दिएको थियोे ।
दुर्घटनामा घाइते बालक लामाको टोखास्थित ग्राण्डी अन्तर्राष्ट्रिय अस्पतालमा उपचार भैरहेको प्रहरीले जनाएको छ । उनको खुट्टामा गम्भीर चोट लागेको बताइएको छ। दुर्घटना पश्चात् स्थानीयले केहि समय बाटो अवरोध गरेपनि हाल सुचारु भैसकेको प्रहरीले जनाएको छ।