लुम्बिनी लायन्स सुदूरपश्चिम रोयल्ससंग ४५ रनले पराजित
काठमाडौं,मंसिर २२ । नेपाल प्रिमियर लिग (एनपीएल) मा लुम्बिनी लायन्स सुदूरपश्चिम रोयल्ससंग पराजित भएको छ । यो लुम्बिनीको लगातार तेस्रो हार हो । कीर्तिपुरस्थित त्रिवि मैदानमा शनिबार बिहान भएकोे खेलमा लुम्बिनी सुदूरपश्चिम रोयल्ससँग ४५ रनले पराजित भयो ।
हारसँगै लुम्बिनीको प्ले अफ पुग्ने सम्भावना कमजोर बन्दै गएको छ । लुम्बिनी यसअघि विराटनगर किङ्ग्स र पोखरा एभेन्जर्ससँग पराजित भएको थियो । सुदूरपश्चिमले भने जितको लय कायम राखेको छ । लगातार तेस्रो जित निकालेको सुदूरपश्चिमले प्ले अफ पुग्ने सम्भावना बलियो बनाएको छ ।
जितका लागि १ सय ८८ रनको चुनौतीपूर्ण लक्ष्य पछ्याएको लुम्बिनी निर्धारित २० ओभरमा नौ विकेटको क्षतिमा १ सय ४२ रनमा समेटियो ।
जितसँगै ३ खेलबाट ६ अंक बनाएको सुदूरपश्चिम तालिकाको शीर्षस्थानमा उक्लिएको छ । समान ६ अंक बनाएको जनकपुर बोल्ट्स रन रेटको आधारमा दोस्रो स्थानमा छ । अंकबिहीन लुम्बिनी पुछारमा छ ।