नुवाकोट लिखुमा सामुदायिक स्वास्थ्य स्वयंसेविका दिवसको अवसरमा र्याली
नुवाकोट,मंसिर २० । जिल्लाको लिखु गाउँपालिकामा ‘विविध स्वास्थ्य क्रियाकलापहरूमा महिला सामुदायिक स्वास्थ्य स्वयंसेविकाको भूमिका स्वास्थ्य समाज निर्माणमा सहभागिता’ भन्ने मूल नाराका साथ २१औ राष्ट्रिय महिला स्वास्थ्य स्वयंसेविका दिवस मनाइएको छ ।
यस अवसरमा जिल्लाको लिखु गाउँपालिकाको कार्यालयदेखि बाघपञ्जा होटलसम्म र्याली निकालिएको थियोे । र्यालीमा स्थानीय स्वास्थ्यकर्मी तथा सरोकारवालाको उपस्थिति रहेको थियोे ।
यसैबीच लिखुका छ वटै वडाका ६ जना स्वयंसेविका र ६ वटा स्वास्थ्य आमा समूह सम्मानित भएका छन् । गाउँपालिकाका अध्यक्ष ध्रुव श्रेष्ठद्वारा उनीहरुलाई प्रमाणपत्रसहित सम्मान गरिएको लिखुस्थित सुविधा स्वास्थ्य इकाईका सिअनमि संगिता लामिछानेले बताइन् ।
कार्यक्रममा स्वास्थ्य स्वयंसेविकाले विविध सन्देशमूलक गीत, कविता तथा मुक्तक प्रस्तुत गरेका थिए ।
तस्वीर: संगिता लामिछाने