बोलेरो दुर्घटना हुँदा जाजरकोटमा दुई जनाको मृत्यु, एक घाइते
जाजरकोट,मंसिर १९ । जाजरकोटमा बोलेरो जीप दुर्घटना हुँदा दुई जनाको मृत्यु भएको छ। मध्यपहाडी लोकमार्ग अन्तरगत भेरी नगरपालिका ९ नुवागाउँमा बुधबार साँझ ८ बजेतिर दुर्घटना भएको हो।
भेरी नगरपालिका वडा नम्बर ९ का वडाध्यक्ष हरिप्रसाद शर्माले दुर्घटनामा दुई जनाको मृत्यु भएको र अर्को एक जना घाइते भएको जानकारी दिए ।
जाजरकोटका प्रहरी प्रमुख डिएसपी पुरुषोत्तमप्रसाद पाण्डेले दुर्घटनाको खबर पाए लगत्तै प्रहरी घटनास्थलतर्फ गएको जानकारी दिए ।
दुर्घटनाको विस्तृत विवरण आउन बाँकी छ।