नुवाकोटको ढिकुरेबाट लागु औषध सहित युवक पक्राउ
नुवाकोट,मंसिर १८ । जिल्लाको लिखु गाउँपालिका वडा नम्बर १ ढिकुरे बजारबाट लागु औसधसहित युवक पक्राउ परेका छन् ।
मंगलबार दिउँसो इलाका प्रहरी कार्यालय ढिकुरेबाट खटिएको प्रहरी अधिकृत सहितको टोलीले काठमाण्डौबाट ढिकुरे तर्फ आउदै गरेको बस रोकी चेकजाँच गर्ने क्रममा उक्त बसमा सवार बिदुर नगरपालिका वडा नम्बर २ बस्ने वर्ष २३ को सन्दिप पाण्डेलाई शंकास्पद अवस्थामा प्रतिबन्धित औसधिसहित पक्राउ गरिएको जिल्ला प्रहरी कार्यालय नुवाकोटले जनाएको छ।
अनुसन्धानको क्रममा बिदुर नगरपालिका वडा नम्बर १२ बस्ने बर्ष २६ को राज कुमार रिमालको समेत संलग्नता देखिएकोले साँझ पक्राउ गरिएको प्रहरीले जनाएको छ। घटनाको थप अनुसन्धान भैरहेको बताइएको छ ।