आज पनि ह्वात्तै घट्यो सुनको मूल्य, कतिमा हुँदैछ किनबेच?

काठमाडौं, मंसिर १७ । नेपाली बजारमा आज सुनको मूल्य तोलामा १२ सय रुपैयाँले घटेको छ ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला एक लाख ४९ हजार ३ सय रुपैयाँमा कारोबार भईरहेको छ। आइतबार छापावाला सुन प्रतितोला १ लाख ५० हजार ५ सय रुपैयाँमा कारोबार भएको थियो।

त्यसैगरी, आज चाँदीको मुल्य पनि घटेको छ । आज चाँदी प्रतितोला २५ रुपैयाँले घटेर १ हजार ८ सय १५ रुपैयाँमा कारोबार भइरहेको छ । महासंघका अनुसार अघिल्लो दिन चाँदी १ हजार ८ सय ४० रुपैँयामा कारोबार भएको थियो ।