रोल्पामा पुलको पर्खाल भत्किदाँ ५ जनाको ज्यान गयो
काठमाडौँ,मंसिर १६। पुलको पर्खाल भत्किदाँ रोल्पामा ५ जनाको ज्यान गएको छ । प्रहरीका अनुसार निर्माणाधीन झोलुङ्गे पुलको पर्खाल भत्किँदा पाँच जनाको मृत्यु भएको हो ।
सुनछहारी गाउँपालिका वडा नम्बर ३ मा निर्माणाधीन झोलुङ्गे पुलको पर्खाल भत्किदाँ ५ जनाको मृत्यु भएको जिल्ला प्रहरी प्रमुख डिएसपी भरत लामाले जानकारी दिए ।
उनले आइतबार बिहान करिब ९:५० बजे पर्खाल भत्किँएको बताए ।प्रहरीका अनुसार मृत्यु हुनेमा सुनछहरी ३ बाहिरी गामका २७ वर्षीया आइती परियार, ६६ वर्षीयदेवीराम परियार, ४५ वर्षीय दुजमान परियार, ३१ वर्षीय ओम परियार र ४० वर्षीया सुवित्रापरियारको मृत्यु भएको छ । प्रहरीले २ जनाले भागेर ज्यान जोगाउन सफल भएको जनाएको छ ।