तोलामा ४ सयले घट्यो सुनको मूल्य, कतिमा हुँदैछ किनबेच?

काठमाडौं, मंसिर १६ । नेपाली बजारमा आज सुनको मूल्य तोलामा ४ सय रुपैयाँले ओरालो लागेको छ ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला एक लाख ५० हजार ५ सय रुपैयाँमा कारोबार भईरहेको छ। शुक्रबार छापावाला सुन प्रतितोला १ लाख ५० हजार ९ सय रुपैयाँमा कारोबार भएको थियो।

त्यसैगरी, आज चाँदीको मुल्य पनि प्रतितोला ५ रुपैयाँले घटेको छ । महासंघको अनुसार आज चाँदी प्रतितोला १ हजार ८ सय ४० रुपैयाँमा कारोबार भइरहेको छ । शुक्रबार चाँदी १ हजार ८ सय ४५ रुपैँयामा कारोबार भएको थियो ।