धारिलो हतियार प्रहार गरी श्रीमतीको निर्ममतापूर्वक हत्या

धनगढी,मंसिर १६ । कञ्चनपुरमा एक पुरुषले धारिलो हतियार प्रहार गरेर आफ्नो श्रीमतीको हत्या गरेका छन् । 

भीमदत्त नगरपालिका–८ तिलाचौरका ४८ वर्षीय नरेन्द्रसिंह विष्टले ३० वर्षीया श्रीमती ज्योतिको गए राति निर्ममतापूर्वक हत्या गरेका हुन ।

नरेन्द्रले घाँटीमा हँसिया प्रहार गर्दा श्रीमतीको घटनास्थलमै ज्यान गएको सुदूरपश्चिम प्रदेश प्रहरी कार्यालय धनगढीले जानकारी दिएको छ । श्रीमतीको हत्या गर्ने नरेन्द्रलाई प्रहरीले पक्राउ गरेको छ ।