सुनको मूल्य घट्यो

काठमाडौ,मंसिर १३ । नेपाली बजारमा बिहीबार सुनको मूल्य प्रतितोलामा तीन सय रुपियाँ घटेको छ ।

नेपाल सुनचाँदी व्यवसायी महासङ्घले आज सुनको मूल्य प्रतितोला एक लाख ४९ हजार तीन सय रुपियाँमा कारोबार भइरहेको जनाएको छ ।

बुधबार सुन प्रतितोला एक लाख ४९ हजार छ सय रुपियाँमा कारोबार भएको थियो । यसैगरी, चाँदीको मूल्य तोलामा ३० रुपियाँ घटेको छ । अघिल्लो दिन १८ हजार ३० रुपियाँमा कारोबार भएको थियो भने १८ हजारमा कारोबार भइरहेको महासङ्घले जनाएको छ ।