बिआरआई आयोजना अनुदानमा स्वीकार हुन्छ : सभापति देउवा
जनकपुर,मंसिर १० । नेपाली कांग्रेसका सभापति तथा पूर्व प्रधानमन्त्री शेरबहादुर देउवाले कांग्रेसीहरू एक ढिक्का भएर जानुपर्ने बताएका छन् । सोमबार मधेश प्रदेशको राजधानी जनकपुरधाम आउन लाग्नुभएका सभापति देउवाले यस्तो बताएका हुन् ।
जनकपुरधाम उमहानगरपालिका–२५ लोहनामा पार्टीले आयोजना गरेको एक कार्यक्रममा सहभागी हुन आउनुभएका कांग्रेस सभापति देउवाले भने, पार्टीका साथीहरु, सबै जना मिलेर अघि बढ्नुपर्छ । प्रधानमन्त्री केपी शर्मा ओलीको चीन भ्रमण मित्रराष्ट्रको भ्रमण भएको बताउँदै उनले बिआरआई योजना अनुदानमा स्वीकार गर्ने बताए ।
लोहनामा हक अधिकारका लागि जेलनेल भोगेका स्वर्गीय अरविन्द ठाकुरको प्रतिमा अनावरण गर्न सभापति देउवाको कार्यक्रम रहेको कांग्रेसका मधेश प्रदेश प्रचार विभाग प्रमुख नितेशकुमार गुप्ताले जानकारी दिए । सभापति देउवाको लोहनामा ठाकुरको प्रतिमा अनावरण गरेर बेलुका काठमाडौं प्रस्थान गर्ने कार्यक्रम रहेको प्रचार विभाग प्रमुख गुप्ताले बताए ।