किन बन्द भयो नयाँ राहदानी वितरण ?

काठमाडौं,मंसिर ७ । राहदानी वितरणको काम अनिश्चितकालका लागि ठप्प भएको छ । विभागको विद्युतीय राहदानी प्रणालीमा समस्या आएपछि बिहीबारदेखि राहदानी वितरणको प्रक्रिया ठप्प भएको हो ।

आइतबारसम्म त्रिपरेश्वरस्थित विभागको मुख्यालयबाट सेवा थाल्ने गरी समस्या समाधानको प्रयास भइरहेको विभागका महानिर्देशक तीर्थराज अर्यालले बताए ।

विभागले शुक्रबार सबै जिल्ला प्रशासन कार्यालयहरुलाई परिपत्र गरेर राहदानी प्रणालीमा आएको समस्या समाधान गर्न प्राविधिक समूहले काम गरिरहेको उल्लेख गरेको छ ।