बाँकेमा एक पुरुषको शव फेला

बाँके,कात्तिक २६ । बाँके राप्तीसोनारी गाउँपालिकामा एक पुरुषको शव फेला परेको छ । सो गाउँपालिका वडा नम्बर २ गन्देली पुल नजिकै पूर्व पश्चिम राजमार्ग सडकखण्डको सानो पुलमुनि अन्दाजी ४५/५० वर्षीय पुरुषको शव बेवारिसे अवस्थामा फेला परेको प्रहरीले जनाएको छ । यद्यपि मृतक पुरुषको पहिचान खुल्न नसकेको प्रहरीले बताएको छ ।

जिल्ला प्रहरी कार्यालय बाँकेका अनुसार मृतक पुरुष मधेशी मूलको जस्तो देखिने, पहेंलो सर्ट, खरानी रङको पाइन्ट लगाएको र कपाल छोटो छ ।

प्रहरीले उक्त हुलिया भएको व्यक्तिलाई चिन्नु हुनेले इलाका प्रहरी कार्यालय कोहलपुर बाँकेमा सम्पर्क राख्न अनुरोध गरेको इलाका प्रहरी कार्यालय कोहलपुरले जनाएको छ । शवको सनाखत हुन बाँकी रहेकाले सनाखतका लागि प्रयासहरु भइरहेको प्रहरीको भनाइ छ ।