नुवाकोटको शिवपुरी जङ्गलमा एक पुरुष मृत फेला

नुवाकोट,कात्तिक २४ । जिल्लाको शिवपुरी गाउँपालिका वडा नम्बर ६ सुइँरे चौर नजिकै शिवपुरी जङ्गलमा एक पुरुष मृत फेला परेका छन् ।

जिल्लाको किस्पाङ गाउँपालिका वडा नम्बर ५ स्थायी ठेगाना भएका वर्ष ४५ का पुरुष सहिदकुमार तामाङ झुन्डिएको अवस्थामा मृत भेटिएको गुर्जे स्थित अस्थायी प्रहरी पोस्टले जनाएको छ ।

विगत ३ दिनदेखि हराइरहेका तामाङ स्थानीयले जङ्गलमा झुन्डिएको अवस्थामा फेला पारेपछि शनिबार प्रहरीलाई खबर गरेका थिए । घटनाको अनुसन्धान भैरहेको प्रहरीले जनाएको छ ।