नुवाकोटको लिखुमा भएको सडक दुर्घटनामा एकजनाको मृत्यु
नुवाकोट,कात्तिक १६ । टोखा-छहरे- ढिकुरे सडकखण्ड अन्तर्गत लिखु गाउँपालिका वडा नम्बर ६ मा भएको सवारी दुर्घटनामा एकजनाको मृत्यु भएको छ।
बिहीबार गाउँपालिकाको कालिका होटल अगाडि मिनिट्रक र मोटरसाइकल एकाअर्कासग ठक्कर खादा मोटरसाइकलमा यात्रा गर्ने एकजना युवाको उपचारका क्रममा मृत्यु भएको हो।
दुर्घटना मा परी ज्यान गुमाउनेमा जिल्लाको तादी गाँउपालिका वडा नम्बर ३ का वर्ष ३६ का बिनोद चौलागाई रहेका छन् । उनको उपचार का क्रममा काठमाण्डौंको ग्रिनसिटी अस्पतालमा मृत्यु भएको हो ।
ढिकुरे बाट छहरे तर्फ जादै गरेको बा ५ ख ७०१६ नम्बरको आईचर ट्रक र बिपरीत दिशाबाट आउदै गरेको गरेको बा ६२ प २८७९ नम्बरको मोटरसाइकल एक आपसमा ठक्करदिई दुर्घटना भएको थियो।
दुर्घटनामा मोटरसाईकल चालक तादी गाउँपालिका ३ बस्ने बर्ष ३२ वर्षिय राजाराम श्रेष्ठ, मोटरसाईकल पछाडी बसेका बिनोद चौलागाई र पैदल यात्री १८ वर्षिय प्रशान्त गोतामे समेत गरी ३ जना घाईते भएकोमा उनीहरुलाई उपचारका लागि तत्काल उद्दार गरी ग्रिन सिटी अस्पताल पठाईएको र एकजना घाईतेको उपचारको क्रममा मृत्यु भएको प्रहरीले जनाएको छ ।